ӨСКЕМЕН. ҚазАқпарат - Өскемен қаласында биылғы жазда трамвай рельсі қиылыстарының 70% қалыпқа келтіріледі, деп хабарлайды ҚазАқпарат тілшісі.
Қала әкімдігінің мәліметінше, трамвай желісін реконструкциялау жобасы аясында Н.Назарбаев даңғылындағы рельс қиылыстары жөнделеді.
Бүгінде Нефтяной көшесіндегі қиылыс жаңартылған. Келесі кезекте Мостовой және Пограничный көшелеріндегі жол қиылыстары тұр.
«Мамыр айында Абай-Бажов қиылысы жөндеуден өткен. Келесі айда жөндеу жұмыстары Абай-Михаэлис қиылысында басталады. Бұл көшені реконструкциялау аясында Шәкәрім даңғылындағы сегіз қиылыс жаңартылады», - деп хабарлады әкімдіктегілер.
Сонымен қатар Қабанбай батыр-Қазақстан және Мызы-Қазақстан қиылыстары да жөнделмек.
Талғатжан Мұхаметбекұлы
Өскемендегі С.Аманжолов атындағы ШҚУ-ды "Журналистика" мамандығы бойынша тәмамдаған. Еңбек жолын 2015 жылы ШҚО "Алдаспан" газетінде тілші болып бастады. ШҚО "Менің өлкем" газетінде тілші, республикалық "Жас қазақ", "Заң" газеттерінде Шығыс Қазақстан облысы бойынша меншікті тілші, ШҚО "Менің өлкем" газетінің бас редакторы қызметтерін атқарған. Kazinform агенттігінде 2021 жылдан бері жұмыс істеп келеді.