Өскемендік жігіт Катонқарағайдың сұлулығын желі арқылы жұртқа көрсетті
ӨСКЕМЕН. KAZINFORM – Соңғы күндері туған өлкесінің қысқы суретін әлеуметтік желіде жариялап жатқандар көп. Байқасаңыздар, бәрі мәтінге #Qazalemi хэштегін қойған. Бұған продюсер Нұрлан Қоянбаевтың бастамасымен жарияланған байқау себеп болып отыр.
Фото: instagram.com/erek.550
Осы байқауға қатысып жатқандардың бірі – Өскемен қаласында тұратын Ерасыл Болатбеков. Ол Катонқарағай мен Тарбағатайдың қарағанда көз құмарын қандыратын көрікті жерлерін фото-видео түсіріп алуға бұрыннан әуес.
Фото: Ерасыл Болатбековтың жеке архивінен
Тарбағатай ауданы Маңырақ ауылында туып-өскен Ерасыл биыл орда бұзар отызға толған. Қазір Өскемендегі банктердің бірінде инкассация бөлімінде жұмыс істейді.
- Жұмысымыздың өзіндік қызықтары бар. Мұқияттылықты талап етеді. Себебі қасымызда үнемі мол қаржы жүреді. Бір орнында отырмаймыз. Әркез қозғалыстамыз. Қалада ғана емес, облыстың басқа аудандарына да жол тартып жатамыз. Шыққан сайын Шығыс Қазақстанның әсем табиғатына ғашық бола түсеміз, - дейді Ерасыл Болатбеков.
Өскемендегі С.Аманжолов атындағы ШҚУ-ды "Журналистика" мамандығы бойынша тәмамдаған. Еңбек жолын 2015 жылы ШҚО "Алдаспан" газетінде тілші болып бастады. ШҚО "Менің өлкем" газетінде тілші, республикалық "Жас қазақ", "Заң" газеттерінде Шығыс Қазақстан облысы бойынша меншікті тілші, ШҚО "Менің өлкем" газетінің бас редакторы қызметтерін атқарған. Kazinform агенттігінде 2021 жылдан бері жұмыс істеп келеді.