Бұл туралы бүгін Үкімет басшысы Кәрім Мәсімовтің қатысуымен өткен Индустрия және жаңа технологиялар министрлігінің алқа мәжілісінде ведомство басшысы, ҚР Премьер-Министрінің орынбасары Әсет Исекешев мәлім етті.
Өз сөзінде ведомство басшысы өткен жылы шығарылған өнімнің физикалық көлемі 10 пайызға артқанын атап өтті. Сондай-ақ соңғы жылдарда алғаш рет шикізаттық емес сектордың даму қарқыны байқалып отырғанын баса айтты.
«Мәселен, тау-кен өндірісі өсімі 2009 жылмен салыстырғанда 5,3 пайыз, өңдеуші өнеркәсіп өсімі 18,4 пайызды құрады. Өнеркәсіптің жалпы көлеміндегі өңдеуші өнеркәсіптің үлесі 11,7 пайызға артты», - деді Ә.Исекешев.