Бұл туралы бүгін ҚР Премьер-Министрі Кәрім Мәсімовтің қатысуымен өткен ҚР Қоршаған ортаны қорғау министрлігінің алқа мәжілісінде ведомство басшысы Нұрғали Әшімов мәлім етті.
Министр атап көрсеткендей, Экологиялық реттеу және бақылау комитеті Жайық-Каспий экология департаментінің Батыс Қазақстан облысы бойынша филиалының мамандары «КПО»-ның жұмысына жоспардан тыс тексерістер жүргізіп, бірқатар бұзушылықтарды анықтады. Нәтижесінде 1,9 млрд. теңгеге әкімшілік айыппұл салынды.
«2010 жылы экологиялық заңнаманың сақталуына барлығы 1059 тексеру жүргізіп, 8500-ге жуық бұзушылық анықталды. Олар бойынша 8402 нұсқама беріліп, жалпы сомасы 5,8 млн. теңгеге 8366 әкімшілік айыппұл салынды», - мәлім етті Н.Әшімов.