18:20, 17 Сәуір 2009

Өз жерін бірнеше рет сатып, жұртты алдаған алаяқ әйел сотталды

ОРАЛ. Сәуірдің 17-сі. ҚазАқпарат /Ғайсағали Ералы/ - Өз жерін бірнеше рет сатып, жұртты алдаған алаяқ әйел сотталды.

Батыс Қазақстан облыстық сотының баспасөз хатшысы Аманкелді Шахиннің ҚазАқпарат тілшісіне хабарлағанындай, Б.Есенова 10 сотық жерін әуелі Р.Стамғазиев деген азаматқа сатады. Сосын ауыл азаматының жер телімін жылжымайтын мүлік орталығына тіркетпегенін біліп, нотариусте құжаттың көшірмесі арқылы заем шартымен А.Ашықов, Б.Өтесіноваларға және «сатып» жібереді. А.Ашықов соттасып жүріп өз ақшасын (896 мың теңге) қайтарып алады да, жерге таласып, сот алдына келген Б.Өтесінова мен Р.Стамғазиев бітімгершілік келісімге келіп, жер телімін 5 сотықтан бөлісіп алуға мәжбүр болады. Орал қалалық соты Б.Есенованың мүлкін тәркілеп, бес жыл бас бостандығынан айыру туралы үкім шығарды.
Аймақ Қоғам
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).