Өзбекстан СІМ Таяу Шығыстағы жағдайға қатысты мәлімдеме жасады

ТАШКЕНТ. KAZINFORM – Өзбекстан тарапы жағдайдың күрт шиеленісуіне алаңдаушылық танытып отыр. Көршілес елдің Сыртқы істер министрлігі Таяу Шығыстағы қақтығысқа байланысты осындай мәлімлеме жасады, деп хабарлайды Kazinform агенттігінің Ташкенттегі меншікті тілшісі Әлихан Асқар. 

«Өзбекстан Таяу Шығыстағы жағдайдың күрт шиеленісуіне алаңдаулы. Қақтығыстың арта түсуі бүкіл халықаралық қауымдастық үшін теріс салдарға, аймақта қауіп-қатердің еселенуіне әкелуі ықтимал деп санаймыз. Қарсылас тараптарды ұстамдылық танытуға және жағдайды одан әрі шиеленістіретін әрекеттерге бармауға шақырамыз», - делінген Өзбекстанның сыртқы саяси ведомствосының мәлімдемесінде. 

Өзбек тарапы халықаралық нормалар мен БҰҰ Қауіпсіздік кеңесінің шешімдеріне сәйкес, қақтығысты бейбіт жолмен реттеуге бағытталған шаралар қабылдау қажеттігін атап өтті.https://mfa.uz/ru/press/news/2024/zayavlenie-mid-respubliki-uzbekistan---36418