ОРАЛ. Сәуірдің 5-і. ҚазАқпарат /Елжан Ералы/ - Орал қалалық соты азамат А.Тәженовті ҚР ҚК 175-бабы 1-бөліміне сәйкес ( ұрлық ) шартты түрде екі жылға бас бостандығынан айырды.
Облыс прокуратурасының баспасөз қызметінен ҚазАқпарат тілшісіне хабарлағанындай, аталған азамат «Свит» ЖШС-ында жүк түсіруші болып жұмыс жасай жүріп, «Алтын алма» көтерме сауда базары аумағында орналасқан №12 қоймадан 386800 теңгені ұрлап, із суытады. Іздеу барысында анықталғанындай, ол Саратов облысы Ершов аудандық сотының үкімімен мемлекеттік шекарадан заңсыз өткені үшін сотталады. Кейін ҚР Бас прокуратурасының араласуымен елге қайтарылды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).