деп хабарлады жексенбі күні Палестина ұлттық әкімшілігі басшысының кеңесшісі Саиб Орейкат.
Палестина тәуелсіздігін біржақты жария ету туралы ниетті ресми өкіл, палестина басшылығының осыдан 1 жылдай бұрын тоқтап қалған Израильмен арадағы бейбіт келісімнің жалғасу мүмкіндігінен үміт үзуімен түсіндіріп отыр.
«Палестина ұлттық автономиясының басшысы Махмұд Аббастың айтуынша, 1967 жылдың маусым айындағы шекара аясында тәуелсіз Палестина мемлекетін тану туралы қарармен БҰҰ Қауіпсіздік кеңесіне өтініш жасау мүмкіндігіне ие болу үшін, Палестинаны азат ету ұйымының Атқарушы комитеті араб елдерінің, Еуропа, Ресей, Қытай елдері мен басқа да халықаралық топтардың қолдауына ие болуға талпынуда», деді Орейкат мырза журналистерге берген сұхбатында.
Тәуелсіз Палестина мемлекетінің шекарасы Израиль 1967 жылы араб көршілерімен болған соғыстың нәтижесінде басып алған Иордан өзенінің Батыс жағалауын, Газа секторы мен Шығыс Иерусалимді қамтитын болады. Ал израильдықтар болса, өзгерген демографиялық жағдайға және қауіпсіздік мәселелеріне сілтеп, соғысқа дейінгі шекараны қалпына келтіру мүмкін емес деп санайды.