Н.Әшімбетов 1969 жылы Павлодар облысы, Лебяжі ауданының Черное ауылында дүниеге келген. Алматы зооветеринарлық институтын, сондай-ақ экономика және статистика институтын зооинженер және есепші-экономист мамандықтары бойынша тәмамдаған.
Еңбек жолын Павлодардың мемлекеттік мүлік бойынша аумақтық комитетінде, содан кейін «Карана» бірлестігі американдық халықаралық даму агенттігінің кеңесшісі болып істеген.
1997 жылдан 1999 жылға дейін - өндірістік кооперативтің төрағасы, Лебяжі ауданы агрофирмасының директоры болды. 1999 жылдан 2008 жылға дейін - Ақтоғай ауданы әкімінің орынбасары, Лебяжі ауданының әкімі, Павлодар облысының ауыл шаруашылығы басқармасының бастығы болып қызмет еткен.
2008 жылдан 2009-ға дейін ҚР Президенті Әкімшілігінің мемлекеттік инспекторы болып жұмыс істеді. 2009 жылдың қазан айынан бастап қазіргі уақытқа дейін - Петропавл қаласының әкімі.