Құрамында Арғын Қуанов пен Нұрлан Зәкенов болған Екібастұз ІІБ жол полициясы батальонының экипажы облыс орталығынан оқушыларды тасымалдаған автобуспен ілесіп шыққан. «Қызылорда-Павлодар» тас жолында «Тойота Марк-2» көлігінің 27 жастағы жүргізушісі ережені бұзып, қарсы жолаққа шығып кеткен. Көліктің автобусқа соғылуына кедергі келтіру үшін тәртіп сақшылары соққыны өздеріне қабылдаған. Автобуста ересектер мен 50-ден астам оқушы болған. Жол-көлік апаты салдарынан түрлі жарақат алған полицейлер Екібастұз қаласының орталық аурухананың травматологиялық бөліміне жеткізілді. Автобус жолаушылары жапа шекпеді. Патрульдік көлік апаттан соң жөндеуге жарамсыз болып қалды.
12:51, 10 Қараша 2014
Павлодар облысында полицейлер мектеп автобусы мен жеңіл көліктің соғылуының алдын алды
ПАВЛОДАР. ҚазАқпарат - Соққыны өздеріне қабылдаған Екібастұз полицейлері мектеп автобусы мен жеңіл көліктің соқтығысуының алдын алды, деп хабарлады ІІД баспасөз қызметінен.