«Маған қала тұрғындары хабарласып, қала шетіндегі «Караван сарай» дәмханасы маңындағы Ертіс өзенінің кішігірім аралынан елікті көргендерін айтты. Қазіргі уақытта біз сол аралға жету үшін қайықтарды дайындаудамыз», - деді А. Жүсіпов.
Естеріңізге сала кетсек, 2015 жылғы ведомство ұсынған ақпаратқа сәйкес облыс аумағында 2672 сібір елігі бар. Сондай-ақ бұл өңірде 138 бұлан, 200 марал, 15 теңбіл бұғы, 300 қабан, 171 қасқыр, 42 мыңға жуық қоян және тағы да басқа жануарлар мекен етеді.
Айта кетерлігі, 2014 жылдың көктем-қыс аралығында 76 сібір елігі табылған.