ОРАЛ. 19 қаңтар. ҚазАқпарат /Елжан Ералы/ - Петропавлда волейболдан ерлердің ұлттық лига командалары арасында ел біріншілігінің екінші турында Оралдың «Конденсаты» сәтті өнер көрсетуде.
Алғашқы күні Хромтаудың «ТНК Казхром» командасынан ұтылғанымен, одан кейінгі матчтарда Игорь Никольченко жаттықтыратын оралдықтар ширақ қимылдап, жақсы ойын өрнегін көрсете білді. «ШығысҚорғасынҚұрылыс» командасын 3:1 есебімен ұтқан «Конденсат» тартысты ойында алаң иелері «Есілді» 3:2 есебімен тізе бүктірді.
Екінші тур 20 қаңтарда мәреге жетеді. Бірінші турда «Конденсат» тек «Атырау» командасын ғана жеңген болатын.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).