АСТАНА. 3 шілде. ҚазАқпарат - Өткен аптада Алматы облысы ІІД Ұйымдасқан қылмысқа қарсы күрес басқармасының қызметкерлері 22 жастағы облыс тұрғыны басқарған орнықты қарулы топтың жолын кесті. Топ 9 адамнан құралған. Олардың жас шамасы 21 мен 26 жас аралығында. Бұл туралы бүгін ҚР ІІМ таратқан мәліметтерде хабарланды.
Топ атыс қаруын қолдану арқылы азаматтарға қарақшылық шабуыл жасауды кәсіп еткен. Сондай-ақ, бірқатар шабуыл кезінде олар
полиция қызметкерлерінің нышанды киімдерін пайдаланған. Қылмыскерлерден 16 калибрлі 3 шолақ аңшы мылтығы, «ЛИДЕР» травматикалық тапаншасы және полиция аға лейтенантының нышанды киімі тәркіленіп алынды. ҚР Қылмыстық кодексінің 237 бабы бойынша (бандитизм) қылмыстық іс қозғалып, «қамауға алу» бұлтартпау шарасы қолданылды.
Руслан Ғаббасов
Ақмола облысының Біржан сал ауданында дүниеге келген. Л.Н. Гумилев атындағы Еуразия ұлттық университетінің журналистика факультетін бітірген. 2005 жылдан бері «ҚазАқпарат» халықаралық ақпарат агенттігінде жұмыс істеп келеді.