ОРАЛ. ҚазАқпарат - Орал қалалық сотының үкімімен Е.Пасько ҚР ҚК 378-бабы 1-бөлімі (билік өкілін қорлау), 379-бабы 1-бөлімі (билік өкіліне бағынбау), 380-бабы 1-бөлімі (билік өкіліне қатысты күш қолдану) бойынша айыпты деп танылып, ҚР ҚК 28-бабы 2-бөлімі қолданылып, оның 1 жыл мерзімге бас бостандығы шектелді.
БҚО сотының баспасөз қызметінен түскен мәліметке қарағанда, екі автокөлік соқтығысқан жол-көлік оқиғасынан соң соның бірінің жолаушысы болған Е.Пасько мас күйінде әкімшілік (жол) полициясы қызметкеріне балағат сөз айтқанымен қоймай, оған дене жарақаттарын келтірген. Сөйтіп полиция қызметкерінің заңды талаптарына бағынбай, оған күш қолданған.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).