Президент елорда сотына жаңа судьяларды тағайындады

НҰР-СҰЛТАН. ҚазАқпарат – Бүгін Нұр-Сұлтан қалалық сотының азаматтық істер жөніндегі сот алқасының төрағасы Қуанышбай Әлжіков елорданың қалалық, аудандық және оған теңестірілген соттарының жаңадан тағайындалған судьяларын таныстырды. Бұл туралы ҚазАқпарат қалалық соттың ресми сайтына сілтеме жасап хабарлайды.

Атап айтқанда, ҚРПрезидентінің 2019 жылғы 17 шілдедегі Жарлығымен Ақмарал Көшербаева Нұр-Сұлтанқалалық сотына, Мөлдір Әсембаева Алматы аудандық сотына, Арман Төлеубаев Есіл аудандықсотына, Ибрагим Әлкенов №2 Сарыарқа аудандық сотына, Алуа Байболатова мен МейрамбекИбрашев мамандандырылған ауданаралық әкімшілік сотына, Виктория Семенова қылмыстықістер жөніндегі мамандандырылған ауданаралық сотына судья болып тағайындалды.

«Сот алқасының төрағасыҚ.Әлжіков қызметтеріне кіріскен 7 судьяның еңбегіне жеміс тіледі», - делінгенақпаратта.