ОРАЛ. 21 наурыз. ҚазАқпарат /Елжан Ералы/ - Биылғы 3 сәуірде өтетін президенттік сайлауға Жаңақала ауданының жұртшылығы да белсене қатыспақ.
Аудан әкімінің орынбасары Закария Сисенғалидың айтуынша, осыған орай сайлау комиссиялары әзірлік жұмыстарын тиянақты жүргізуде. Бірнеше рет семинарлар өткізілді. Президенттікке үміткерлердің сенім білдірген өкілдері халықпен кездесуде.
Сайлаушылар тізімі нақтыланды. Күні бүгін ауданда 13441 сайлаушы тіркелген. Соның 4713-і бюджеттік сала, мекеме-кәсіпорын қызметкерлері болса, 1808-і - зейнеткерлер. 359-ы студенттер болса, 5586-сы - өзін-өзі қамтушылар. Сонымен қатар 18 мектеп оқушысы тұңғыш рет дауыс беретін болады.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).