ОРАЛ. 24 қаңтар. ҚазАқпарат /Елжан Ералы/ - Теректі ауданы прокуратурасы тексеру барысында бірқатар сот актілерінің ұзақ уақыт бойы орындалмай жатқанын анықтады.
Облыс прокуратурасының баспасөз қызметінен хабарлағанындай, атап айтқанда, БҚО сот актілерін орындау жөніндегі департаменті аумақтық бөлімінің сот орындаушысы «Аманжол» шаруа қожалығынан «ВалютТранзитБанк» АҚ пайдасына 2095552 теңге, «Батыс Күнбағыс» АҚ-дан «ЮНА» ЖШС-ға 4571204 теңге, Н.Нығметовтен С.Милюкованың пайдасына 400 мың теңгені өндіру жөнінде тиісті шараларды алмаған.
Тексеру қорытындысына сәйкес БҚО сот актілерін орындау жөніндегі департаменті атына ұйғарым беріліп, соның нәтижесінде 6138991 теңге, соның ішінде атқарушылық санкцияның 10 пайызы есебінде мемлекет пайдасына 40 мың теңге өндірілді.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).