04:07, 27 Тамыз 2015

Прокурорлық ықпал ету шараларымен 98,3 млн. астам теңгенің мемлекеттік сатып алу қорытындысы бұзылды - БҚО

ОРАЛ. ҚазАқпарат - Прокуратура «Өрлеу» педагогикалық қызметкерлер біліктілігін арттыру институты БҚО филиалы ғимаратын күрделі жөндеу бойынша 98 340 360 теңгеге электронды конкурс өткізу кезінде мемлекеттік сатып алу заңдылығының бұзылғанын анықтады.

БҚО прокурорының орынбасары Халидолла Дәуешевтің хабарлағанындай, биылғы 30 маусымда институт мемлекеттік сатып алу веб-порталына аталған конкурсты өткізу туралы хабарландыру жариялаған. Алайда «Мемлекеттік сатып алу туралы» ҚР Заңы 17-бабы 12-тармағы 7-тармақшасының талаптары бұзылып, шартты баға әдістемесі жасалмаған. Оған қоса баға ұсынымындағы шартты жеңілдік көлемі де дұрыс көрсетілмеген. Институт конкурстық комиссиясының заңсыз іс-әрекеттеріне қатысты прокуратура енгізген наразылық нәтижесінде аталған конкурс қорытындысы бұзылып, қайтадан конкурс жарияланды.

Аймақ Батыс Қазақстан облысы Басқа мемлекеттік органдар Прокуратура Басқа меморгандар
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).