19:55, 03 Маусым 2013

С.Сейфуллин атындағы №11 облыстық мектеп-интернаты кешені түлектері орташа 106 балл жинады - БҚО

ОРАЛ. 3 маусым. ҚазАқпарат - Алдын ала мәліметтерге қарағанда, 3 маусым күні тест сынақтарына қатысқан дарынды балаларға арналған С.Сейфуллин атындағы №11 облыстық мектеп-интернаты кешенінің 50 түлегі орташа 106 балл жинады.

Аталмыш мектеп директоры Ерсайын Сапаровтың айтуынша, биылғы көрсеткіш өткен жылғы деңгеймен (107 балл) шамалас деуге болады. 90 жылға жуық тарихы бар білім ордасынан 8 түлек «Алтын белгіге» үміткер болса, қазіргі уақытта соның жетеуі қорғап шықты. Сондай-ақ сегіз «Ерекше аттестат» үміткерінің тең жартысы көздеген межеден көрінді. Дегенмен қорғай алмағандар арасында апелляциялық шағым беретіндер бар. Сондықтан толық мәлімет ертең белгілі болады.

Аймақ Батыс Қазақстан облысы Білім Білім және ғылым

Ғайсағали Сейтақ

1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).