14:33, 29 Қаңтар 2024

Садыр Жапаров ресми сапармен Қазақстанға келеді

БІШКЕК. KAZINFORM – Қырғызстан президенті Садыр Жапаров ресми сапармен Қазақстанға келеді. Бұл туралы Қырғыз Республикасының Сыртқы істер министрі Жээнбек Кулубаев Бішкекте сапармен жүрген қазақстандық әріптесі Мұрат Нұртілеумен кездесуі барасында мәлімдеді. Бұл туралы Кабар агенттігі жазды. 

Фото: kabar.kg

Онда биыл екі елдің үкімет басшыларының төрағалығымен қырғыз-қазақ үкіметаралық комиссиясының отырысы өтетіні хабарланған. 

Естеріңізге сала кетейік, Қазақстан Президенті Қасым-Жомарт Тоқаев 2022 жылдың мамыр айында Қырғызстанға ресми сапармен барған болатын.

Айта кетсек, ҚР СІМ басшысы Мұрат Нұртілеу Қырғызстанға Жээнбек Құлубаевтың шақыруымен ресми сапармен барған болатын. Ведомство басшылары келіссөздерінің қорытындысы бойынша, екі елдің сыртқы істер министрлері 2024-2026 жылдарға арналған әріптестік бағдарламасына қол қойды.

Президенттің сөйлеген сөзі Қырғыз Республикасы Қырғызстан
Еркежан Смағұлова
2008 жылы Ш. Құдайбердіұлы атындағы СМУ-дың журналистика факультетін бітірген. Еңбек жолын облыстық «Семей таңы» газетінен бастаған. 2018 жылдан бастап Kazinform халықаралық ақпарат агенттігінде аудармашы.