15:39, 06 Сәуір 2009

Самбодан ардагерлер арасындағы ел біріншілігінен батысқазақстандықтар бас жүлдемен оралды

ОРАЛ. Сәуірдің 6-сы. ҚазАқпарат /Ғайсағали Ералы/ - Жезқазғанда самбодан ардагерлер арасында өткен ел біріншілігінде батысқазақстандықтар 9 алтын, 4 күміс, 1 қола медальді еншілеп, командалық бас жүлдені жеңіп алды,

деп хабарлайды ҚазАқпарат тілшісі. Аталмыш жарысқа еліміздің барлық өңірінен алпыс ардагер қатысқан болатын. Батыс Қазақстан намысын он алты спортшы қорғады. Алтыннан алқа таққандар ішінде Бердіғали Төлегенов (60-64 жас, 74 килә), Рамазан Нұрмашев (55-59 жас, 74 килә), Қуаныш Әбуов (60-64 жас, 100 килә), Әділбек Қайыров (40-44 жас, 62 килә) бар.

Аймақ Спорт

Ғайсағали Сейтақ

1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).