АСТАНА. KAZINFORM — Ташкент қаласында спорттық самбодан кадеттер арасында Азия және Тынық мұхит чемпионатында Қазақстан құрамасы үздік өнер көрсетті.
Ұлдар арасында Шоқан Уәлихан (46 кг), Дінмұхаммед Лесбеков (49 кг), Бекжан Тұрсынбеков (58 кг), Нұрсұлтан Әбдіразақов (71 кг) алтыннан алқа тақты.
Сондай-ақ Асқар Әділбеков (53 кг), Арқар Бақытжан (64 кг), Аян Иманқұл (88 кг) және Ермұрат Нұрахметов күміске қол жеткізді.
Қыздардан Бақнұр Әбдешова (41 кг), Зере Талғатқызы (44 кг), Қаншайым Тұрдыбай (54 кг), Аружан Дауымбаева (65 кг) қарсылас шақ келтірмей, чемпион атанды.
Оған қоса Айсұлу Алшынбай (47 кг), Шариз Бұралқинова (59 кг) күміс, Жанел Сарқытбек (50 кг), Гүлсезім Жанәбіл (72 кг), Арайлым Таңғатарқызы ( 72 кг) қола медальға ие болды.
Жалпыкомандалық есепте қазақстандық кадеттер бірінші орынды жеңіп алды.
Еске сала кетейік, бұдан бұрын самбодан Азия чемпионатында қазақстандық қазақстандық жастардың 27 медаль жеңіп алғанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).