Жиынға Алматы, Шығыс Қазақстан және Павлодар облыстарынан онколог дәрігерлер, ғылыми-зерттеу институттарының мамандары қатысып, түрлі тақырыпта ой бөлісіп, ұсыныстарын білдірді.
Семинарда қатерлі ісік ауруының алдын алу мен оны емдеудің жаңа жолдары қарастырылып, ұсыныстар айтылды. Сондай-ақ 2011 жылы облыс бойынша атқарылған іс-шаралар қорытындыланды. Семей қаласында басталған аталған аймақтық жиналыс алдағы уақытта Алматы, Астана, Ақтөбе қалаларында жалғасатын болады.
Айта кетейік, Елбасының ағымдағы жылғы Жолдауында Үкіметке халыққа онкологиялық көмекті дамытудың 2012-2016 жылдарға арналған бағдарламасын әзірлеу жүктелген еді.