ДАКАР. KAZINFORM – Сенегалдағы сайлауда оппозициялық кандидат 53 пайыздан астам дауыс жинады. Елдің қазіргі президенті Маки Сал мен басқарушы коалицияның өкілі Амаду Ба Диомайе Файды президенттік сайлаудың бірінші турындағы жеңісімен құттықтады. Бұл туралы ВВС жазды.
Сенегалда бір күн бұрын өткен президенттік сайлауда оппозиция кандидаты Бассиру Диомайе Фай 53,7 пайыз дауыс жинады. Бұл туралы Сенегал ұлттық автономиялық сайлау комиссиясы мәлімдеген.
Диомайе Файдың басты бәсекелесі, басқарушы коалицияның өкілі Амаду Ба 36,2 пайыз дауыс жинады.
Бұл сайлау учаскелерінің 90 пайызында бюллетеньдерді санаудан кейін алынған алдын ала деректер екені атап өтілді. Сайлаудың ресми қорытындысы әлі жарияланған жоқ.
Бассиру Диомайе Фай 44 жаста. Егер ол Сенегал президенті болып сайланса, ол Африка тарихындағы ең жас президент болады.
Жарасқан Нұрыбаев
Нұрыбаев Жарасқан Бекназарұлы
1990 жылдың 12 қаңтарында Өзбекстан Республикасында туған.
"Низами" атындағы Ташкент Мемлекеттік Педагогика Университетінің түлегі.
Газет және телеарналарда тілші әрі тележүргізуші қызметін атқарған.
Бірнеше Халықаралық ақындар мүшәйрасының жүлдегері.
Қазіргі таңда ҚР Президентінің Телерадиокешенінде "Қазақпарат" ХАА шығарушы редакторы