«Өздеріңіз білетіндей спорт бағыты, салауатты өмір салтын ұстану - бұл «Жас Отан» басшылыққа алатын маңызды бағыттардың бірі. Серік Сәпиев бізде спорттық бағытқа басшылық жасайтын болады», - деді Н.Сыздықов.
Өз кезегінде С.Сәпиев жастармен жұмысқа барлық олимпиада, әлем чемпиондарын тарту қажеттілігіне ерекше назар аудартты.
«Әлем, Олимпиада чемпиондарының жастармен жиі кездесіп тұрғандығы өте орынды. Спортшылар біздің жастарымызға жеңіске әрқайсымыздың да жете алатындығымызға көз жеткізуі тиіс. Жастардың салауатты өмір салтын ұстануға деген ынтасын күшейту қажет», - деді Олимпиада чемпионы.