19:30, 09 Сәуір 2009

Шаруаны айналым қаржысымен қамту үшін арнайы аграрлық банк құру керек ? Мәжіліс депутатының пікірі

ОРАЛ. Сәуірдің 9-ы. ҚазАқпарат /Ғайсағали Ералы/ - Шаруаны айналым қаржысымен қамту үшін арнайы аграрлық банк құру керек. Бұл туралы БҚО-ға жұмыс сапары кезінде Мәжіліс депутаты Иван Чиркалин мәлім етті,

деп хабарлайды ҚазАқпарат тілшісі. Депутаттың пікірінше, оның құрылтайшысы ретінде «Қазагро» АҚ мен дән өндіруші компанияларды бекіткен жөн. Екінші деңгейдегі банктерге бәсекелес ретінде агробанк шаруа адамына төмен пайызбен айналым қаржысын толықтыруға несие береді. Ол несиені қайтару мерзімін бүгінгідей бір жыл деп емес, 10-12 жыл деп белгілесе, еңбеккер ағайынға да керегі осы. И.Чиркалиннің пікірінше, биыл шаруаларға арзандатылған жанар-жағармай берудің қажеттілігі шамалы. Өйткені республика көлемінде жанар-жағармай бағасы тұрақты. Оны өсіп кетеді деуге әзірге еш негіз жоқ.
Аймақ Ауыл шаруашылығы
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).