Облыс әкімінің баспасөз қызметінен хабарлағандай, аймақ басшысы өзен арнасының ернеуінен шығып кету себептерін анықтау үшін апат аймағын тікұшақпен ұшып өтті.
«Тексеріс кезінде ауылдарды су басып кетудің себебі көпірді салу жұмыстарының нәтижесінде орын алды деген болжам жасалды. Көпір құрылғыларының тіреулерін бетонмен қаптау кезінде суды өзге бағытқа бұрып жіберу үшін 2 километрге созылатын арнайы бөгет жасалған, сөйтіп, өзенді ауылға қарай бұрып жіберген. Қазіргі уақытта тергеу жұмыстарына прокуратура қызметкерлері тартылды, олар осы мәселеге қатысты бір шешім шығаруы тиіс, - деп хабарлады әкім. - Егер осының барлығына құрылыс компаниясы кінәлі екендігі анықталса, ол заң бойынша жазаланады».