ОРАЛ. 24 мамыр. ҚазАқпарат - Қазақстан шекарасын заңсыз кесіп өткені үшін ресейлік азамат шартты түрде бір жылға сотталды.
Облыстық соттың баспасөз қызметінен түскен мәліметке қарағанда, көршілес Орынбор облысының азаматы биылғы ақпан айында БҚО-ның шекаралас ауылында тұратын анасына жаяу келген. Шекара бекетінің бар екенін, екі араны Елек өзені бөліп жатқанын біле тұра ол осылайша «қонақ болған». Сотта түсіндіргеніндей, автобус не автокөлікке мініп, шекара бекетіне барып, құжат рәсімдеуге оның ақшасы болмаған.
Шыңғырлау аудандық соты шекараны заңсыз кесіп өткен ресейлік азаматты айыпты деп танып, шартты жаза кесті.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).