АЛТАЙ. KAZINFORM – Шығыс Қазақстан облысы Алтай қаласының тау-кен байыту кешені аумағындағы цехта болған өрт сөндірілді.
Төтенше жағдайлар департаментінің мәліметінше, оқиға болған жерде концентраттарды қоюландыру және сүзу учаскесінде орналасқан екі қабатты жеке цехтың шатыры өртенген.
Тау-кен байыту кешені аумағына дереу өрт сөндіру қызметкерлері жетті. Тілсіз жауды ауыздықтауға жеке құрамның 35 адамы мен 7 бірлік авариялық-құтқару техникасы мен кәсіби әскерилендірілген авариялық-құтқару қызметі жұмылдырылды.
260 шаршы метр аумақты шарпыған өрт сағат 15.48-де сөндірілді. Зардап шеккендер жоқ. Оттың шығу себебі анықталып жатыр.
Талғатжан Мұхаметбекұлы
Өскемендегі С.Аманжолов атындағы ШҚУ-ды "Журналистика" мамандығы бойынша тәмамдаған. Еңбек жолын 2015 жылы ШҚО "Алдаспан" газетінде тілші болып бастады. ШҚО "Менің өлкем" газетінде тілші, республикалық "Жас қазақ", "Заң" газеттерінде Шығыс Қазақстан облысы бойынша меншікті тілші, ШҚО "Менің өлкем" газетінің бас редакторы қызметтерін атқарған. Kazinform агенттігінде 2021 жылдан бері жұмыс істеп келеді.