Шорт-тректен әлемдік турдың іріктеу кезеңіне қатысатын Қазақстан спортшылары анықталды

  АСТАНА. KAZINFORM - Дордрехтте (Нидерланд) шорт-тректен әлемдік турдың төртінші іріктеу кезеңі өтеді.

ҚР ҰОК мәліметінше, бұл турнирде 11 қазақстандық спортшы өнер көрсетеді.

Медальдар мен маңызды рейтингтік ұпайлар үшін келесі спортшылар сынға түседі: Денис Никиша, Абзал Әжғалиев, Әділ Ғалиахметов, Глеб Ивченко, Мерсаид Жақсыбаев, Нұртілек Қажғали, Яна Хан, Ольга Тихонова, Зейнеп Құмарқан, Алина Әжғалиева, Малика Ермек.

Төртінші кезең 27-30 қараша аралығында өтеді.

Айта кетейік, әлемдік турдың алғашқы төрт кезеңі іріктеу ретінде ұйымдастырылады. Сол кезеңдердің нәтижесіне сәйкес 2026 жылғы Олимпиадаға қатысу квоталары үйлестіріледі.

Айта кетейік, шорт-тректен жасөспірімдер арасындағы 2027 жылғы әлем чемпионаты Қазақстанда өтеді.