АСТАНА. ҚазАқпарат - ҚР Экономикалық қылмысқа және сыбайлас жемқорлыққа қарсы күрес агенттігінің Оңтүстік Қазақстан облысы бойынша департаменті «Шымкент қаласының Сауда-логистикалық орталығы» ЖШС-ның бұрынғы директорына қатысты қылмыстық іс қозғады.
Қаржы полициясы баспасөз қызметінің хабарлауынша, қылмыстық іс ҚР Қылмыстық кодексі 176 бабының 4 бөлімі «б» тармағы, яғни сеніп тапсырылған мүлікті иемдену немесе жұмсап жіберу әрекеті бойынша қозғалды.
Белгілі болғандай, 2012 жылдың сәуірінен желтоқсанына дейін экс-директор өзінің қызметтік лауазымын пайдалана отырып, бюджеттік қаржыны жымқырған. Бұл қаржы әлеуметтік маңызды тауарлардың тұрақтандыру қорын құру үшін бөлінген. Мемлекетке жалпы сомасы 90 млн. теңгеге шығын келтірілген.
Руслан Ғаббасов
Ақмола облысының Біржан сал ауданында дүниеге келген. Л.Н. Гумилев атындағы Еуразия ұлттық университетінің журналистика факультетін бітірген. 2005 жылдан бері «ҚазАқпарат» халықаралық ақпарат агенттігінде жұмыс істеп келеді.