Көрменің ашылуында қылқалам иесі қара көрсетпегенімен келушілер көп болды. Мұндағы туындылар суретшінің шеберлігін байқатып қана қоймай, дүниетанымын ашып берді. Көрмеге 150-ден астам шығарма қойылды. Олар - классикалық портрет, пейзаж, символдық бағыттағы сюжеттік композициялар.
«Никас Сафронов - өте белгілі адам. Ол қалада көптеген адамдарды көрмелерді көруге алып келеді. Соның нәтижесінде қаншама адам қалада мұражай мен көрме залдары барын білді. Ол тек суретші ғана емес, сонымен қатар мәдени-ағартушы десек те болады»,-дейді арт-директор Наталья Христенко.
Қылқалам иесінің туындылары үлкен сұранысқа ие. Оның көптеген шығармаларын жер-жердегі белгілі жәдігер жинаушыларының жиынтығынан кездестіруге болады.Экспозицияда 20-дан астам портеттік туынды бар. Мұндағы кейіпкерлердің барлығы әлемге танымал. Бір қызығы, бұл кейіпкерлердің көбісін суретші өз алдына отырғызып салған екен.
Көрме 20 маусымға дейін жалғасады.