ОРАЛ. Мамырдың 7-сі. ҚазАқпарат /Елжан Ералы/ - БҚО-ның Шыңғырлау ауданы орталығында Қазақстан халық әртісі, белгілі күйші-композитор, Құрманғазы атындағы қазақ ұлт аспаптар оркестрінің көркемдік жетекшісі, «Құрмет» орденінің иегері Тұяқберді Шәмелов өнер көрсетті,
деп хабарлайды ҚазАқпарат тілшісі.
Өткен жылы Т.Шәмелов атақты оркестрдің 75 жылдығына орай ауданға келсе, бұл жолы арнайы шығармашылық сапармен ат басын бұрды. Күйші Асан қайғы, Мәмен, Дәулеткерей, Дина, Нұрғисалардың туындыларын орындап қана қоймай, аудан жұртшылығына өзі жазған «Шұрайлы Шыңғырлауым» әнін тарту етті.
Аудан әкімі Марат Тоқжанов күйші-композиторға ел ықыласын жеткізіп, жаңа табыстар тіледі.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).