ОРАЛ. 12 қаңтар. ҚазАқпарат /Елжан Ералы/ - Соңғы жылдары БҚО-да денсаулық сақтау саласын мамандармен қамту жақсарды.
Бұл туралы Орал қаласындағы №4 отбасылық денсаулық орталығының директоры Гүлсара Исмағұлова мәлім етті.
Оның айтуынша, сонымен қатар медициналық мекемелердің материалдық әлеуеті арта түсуде. Халықтың денсаулығын нығайту мақсатында облыста атқарылып жатқан игі істерде депутаттардың да үлесі бары анық.
«Біздің отбасылық денсаулық орталығы 2009 жылы Батыс Қазақстан медицина колледжі ғимаратының бір қанатына қоныстанды. Күрделі жөндеуден өтіп, жаңа медициналық құрал-жабдықпен қамтылды. Біз бүгіндері Зашаған кенті аумағында тұратын 19519 тұрғынның денсаулығын жақсарту жолында еңбек етіп келеміз. Депутат - халық пен биліктің арасын жалғаушы, ел-жұрттың мұңын билік буындарына жеткізуші деп есептеймін. Ендеше, батысқазақстандықтар да халық қалаулыларын сайлайтын саяси науқаннан тыс қалмайтыны анық», - деді Г.Исмағұлова.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).