17:19, 15 Мамыр 2012

Сот несиені қайтаруға асықпаған азаматтан банк пайдасына 19 млн. теңге өндіріп берді

ОРАЛ. 15 мамыр. ҚазАқпарат - Орал қалалық №2 соты С. деген азаматқа «Жинақбанк» АҚ пайдасына 19 млн. астам теңгені өндіруді міндеттеді.

Облыстық сот актілерін орындау департаментінен Айгүл Досқұлованың хабарлағанындай, аталған азамат банктен ірі көлемде несие алып, оны қайтаруға асықпаған. Банкке амалсыз сотқа жүгінуге тура келген. Оның үстіне сот орындаушысынан бірнеше рет ескерту алса да, сот шешімін орындаудан жалтарған. Шын мәнісінде оның меншігінде үй, 8 автокөлік және жер телімі бар болып шықты. Сот орындаушысы оның мүліктерін тәркілеп, қарыз иесінің Қазақстаннан тысқары жерлерге шығуына шектеу қойғаннан кейін ғана С. бережағын өтеген.

Аймақ Банктер Басқа мемлекеттік органдар Басқа меморгандар Батыс Қазақстан облысы Сот Қаржы және бюджет Қоғам Қылмыспен күрес
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).