Су добынан Қазақстан әйелдер құрамасы Азия біріншілігінің 1/4 финалына өтті

АСТАНА. KAZINFORM – Қазақстан әйелдер құрамасы су добынан Ахмедабадта (Үндістан) өтіп жатқан Азия чемпионатының топтық кезеңіндегі соңғы ойынын өткізді. 

Отандастарымыз Қытаймен кездесті. Қарсылас құрама 23:6 есебімен жеңіске жетті. Осылайша, қазақстандықтар үш ұпайға ие болды. 

B тобында қазақстандықтар Таиландқа (12:14) есе жіберді. Содан кейін Гонконг құрамасын (21:10) жеңді. Нәтижесінде ұлттық құрама топтық кезеңде үшінші орынмен 1/4 финалға өтті. 

Еске сала кетейік, бұған дейін қазақстандық қос спортшы көркем жүзуден Азия чемпионатының жүлдегері атанғанын хабарлаған едік.