ОРАЛ. Сәуірдің 8-і. ҚазАқпарат /Елжан Ералы/ - БҚО-ның Сырым ауданы орталығы Жымпиты ауылында тұратын Хамеш Құрманәлиева 105 жасқа толды,
деп хабарлайды ҚазАқпарат тілшісі.
Үш ұл, бір қызды тәрбиелеп өсірген Хамеш әже бүгінде олардан 16 немере, 7 шөбере сүйіп, қызықтарына кенеліп отыр. Денсаулығы да жақсы, тек құлағының аздап мүкістігі барын айтады. Сонау қиын жылдары бір отар қойды шелекпен құдықтан суарып, қырқуды да бір өзі атқарған әженің ұзақ жасауы осы еңбекқорлығында болса керек. Ол бүгінде бала-келіні Ерболат пен Әслиманың қолында бақытты ғұмыр кешуде.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).