ОРАЛ. Мамырдың 12-сі. ҚазАқпарат /Елжан Ералы/ - БҚО-ның Сырым ауданында Ұлы Отан соғысы ардагерлеріне құрмет көрсетілді.
Аудан әкімінің орынбасары Жолдыбай Батырниязовтың ҚазАқпарат тілшісіне хабарлағанындай, аудан орталығы Жымпиты ауылындағы стелла қайтадан жаңартылып, жанындағы тақтатастарға Сырымнан Ұлы Отан соғысына қатысқан 4620 адамның аты-жөндері жазылды. Алдағы уақытта бұл тізім толықтырылатын болады.
Қазіргі кезде ауданда 11 майдангер бар. Соның біреуі, Аралтөбе ауылының тұрғыны Ләтифолла Кереевке аудан орталығынан үй берілді. Ал алғабастық Сапағали Хайруллин мен талдыбұлақтық Жұбан Досжанов алдағы маусым айында Орал қаласынан баспана алатын болады.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).