ОРАЛ. 24 қазан. ҚазАқпарат - Батысқазақстандық каратэшілер Тараз қаласында каратэ-додан өткен халықаралық жарыстан олжалы оралды.
Аталмыш турнирге Астана, Алматы, Көкшетау, Теміртау, Қызылорда, Шымкент қалалары мен Өзбекстаннан 200 спортшы қатысты. Зеленов ауданының түлектері, М.Өтемісов атындағы Батыс Қазақстан мемлекеттік университетінің 2 курс студенттері А.Стародубец пен Н.Сеннов облыс намысын ойдағыдай қорғады. А.Стародубец командалық кумитэден бірінші, жекелей сыннан екінші орынды иеленсе, Н.Сеннов екеуінен де үздік шықты.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).