ОРАЛ. Шілденің 10-ы. ҚазАқпарат /Елжан Ералы/ - БҚО-ның Тасқала ауданында үш бірдей нысан іске қосылды, деп хабарлайды ҚазАқпарат тілшісі.
Аудан орталығы Тасқала ауылында жаңа пошта ғимараты есігін айқара ашса, «Балдырған» балабақшасын күрделі жөндеу барысында 36 млн. теңге игерілді. Бұл шаруаны «Эврика» ЖШС қысқа мерзімде, сапалы аяқтап шықты. Іші-сырты керемет кейіпке еніп, барлық керек-жарақпен қамтамасыз етілген балабақша бүлдіршіндер мен ата-ананың қуанышына айналды.
Ауданның Достық ауылында «Астана» спорт алаңы ашылып, онда алғашқы спорттық шаралар өткізіле бастады.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).