ОРАЛ. ҚазАқпарат - Орал қалалық сотының үкімімен Орал қалалық ішкі істер басқармасының бұрынғы тергеушісі Мәлік Оспанов ҚР ҚК 307-бабы 2-бөлігімен айыпты деп танылып, оған1 мың АЕК көлемінде 1,852 млн. тенге айыппұл салынды.
БҚО сотының баспасөз қызметінен түскен мәліметке қарағанда, тергеуші сондай-ақ полиция капитаны шенінен айырылды.
М.Оспанов өзінің қызмет бабын пайдаланып, айыпталушы Кузнецов пен Крятовтың мүлкіне тыйым салуға қатысты сот үкімін орындауды қамтамасыз ету бағытында тиісті шаралар алмаған. Оның орнына аталған сотталушылардың иелігіндегі жер телімін сыйға беру, автокөлікті тіркеуден алу, сату құқығын беретін құжаттарды рәсімдеуді ұйымдастырған. Сөйтіп мемлекет мүддесіне қайшы келетін заңсыз іс-әрекетке барған.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).