ОРАЛ. 4 сәуір. ҚазАқпарат - Кеше, 3 сәуір күні ҚР Төтенше жағдайлар министрлігі орталық аппараты, облыстық департамент қызметкерлерінен құралған жедел топ бірге «Қазавиақұтқаруды» Ми-171 тікұшағымен Зеленов пен Тасқала аудандарындағы су тасқынына байланысты қауіпті аймақтарды аралап шықты.
Департаменттің баспасөз қызметінен түскен мәліметке қарағанда, Ембулатовка, Быковка, Рубежка, Деркөл, 1 Шежін өзендері бойындағы Хамин, Чеботарев, Раздольное секілді елді мекендерге тексеру жүргізілді. Соның ішінде Раздольное ауылындағы су қоймасы, Первосовет пен облыс орталығы іргесіндегі «Казенный» тоғандары қаралды. Бұл нысандар қалыпты жұмыс жасауда.
Зеленов ауданында қар еріп бола келген, ағын су өз арналарымен кетуде.
Тасқала ауданында Деркөлде қар енді ери бастады, қар қоры едәуір. Қар 6 сәуірден бастап жедел ериді деп күтілуде.
Деркөл, 1 Шежін, Шаған өзендерінде су деңгейі көтерілу үстінде, әзірге қалыптан төмен.
Деркөл өзенінде Тасқала, Зеленый ауылдары тұсында мұз жару жұмыстары аяқталып келеді, тиісті жұмыс көлемі орындалды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).