АСТАНА. ҚазАқпарат - UEFA Қазақстан құрамасының капитаны Асхат Тағыбергеннің 2024 жылғы Еуропа чемпионаты іріктеу сатысы екінші турындағы соққан голын үздік деп таныды, деп хабарлайды ҚазАқпарат тілшісі.
2024 жылғы Еуропа чемпионаты ресми аккаунтында Асхат Тағыбергеннің іріктеу сатысы екінші турында Данияға қарсы ойында Каспер Шмейхельдің қақпасына алыстан соққан керемет голын лайықты бағалады.
Айта кетсек, ел құрамасы құрлықтық додада екі ойын өткізіп үлгерді.
Алғашқысында елордада Словениядан (1:2) жеңілсе, Данияны (3:2) тізе бүктірді.
Нәтижесінде H тобында үш ұпаймен екінші орында тұр.
Енді Қазақстан алдағы ойынын 16 маусымда сырт алаңда Сан-Мариноға қарсы өткізеді.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.