Ардагерлер мен тыл еңбеккерлері - Павлодар мемлекеттік университетінің құрметті қонақтары
09:02, 08 Мамыр 2012
ПАВЛОДАР. 8 мамыр. ҚазАқпарат - С. Торайғыров атындағы Павлодар мемлекеттік университетінің клубында студенттер Ұлы Отан соғысының ардагерлерімен және тыл еңбеккерлерімен кездесті, деп хабарлады жоғары оқу орнының баспасөз қызметі.
Студенттік филармония ардагерлер үшін концерттік бағдарлама дайындады. «Ертіс жұлдыздары» мен «Алтын дауыс» ансамбльдері әскери тақырыптағы әндерді орындады. Қонақтар үшін мерекелік дастархан жайылып, сыйлықтар тапсырылды.