КӨКШЕТАУ. ҚазАқпарат - Бұл жолы «Ардагерлерді ардақтайық!» партиялық жобасы аясында Есіл аудан орталығындағы №3 орта мектепте «Ерлік істері ұрпаққа үлгі» атты кездесу ұйымдастырылды.
Кездесуді «Нұр Отан» партиясы аудандық филиалының «Жас Отан» жастар қанаты мен аудандық жастар ресурстық орталығы бірлесіп өткізді. Шараға қатысқан аудан әкімінің орынбасары Сәуле Ағымбаева мен аудандық ардагерлер кеңесінің төрағасы Серғали Үсіпов соғыс ардагерлеріне жедел қызмет көрсету тетіктері бар ұялы телефондар мен басқа да бағалы сыйлықтарды табыс етті. Ал жастар өз кезегінде майдангерлердің әңгімелерін ықыласпен тыңдап, көкейлерінде жүрген сауалдарын қойды.
Аслан Оспанов
М.Қозыбаев атындағы Солтүстік Қазақстан мемлекеттік университетінде оқыған. Мақалалары республикалық, облыстық және қалалық газеттерде жиі жарияланып келді. «Қазақстан» РТРК» акционерлік қоғамының Ақмола облыстық филиалында, «Арқа ажары» газетінде қызмет атқарды. 2014 жылдан бері «KAZINFORM» ХАА-де жұмыс істейді.