Үйін босатуға қарсылық білдірген Шымкент тұрғыны өзіне ыстық суды құйып жіберді
ШЫМКЕНТ. 16 қазан. ҚазАқпарат - Үйін босатуға қарсылық білдірген Шымкент тұрғыны үстіне ыстық су құйып жіберіп, өз-өзін кесетіндігін айтып қорқытты.
Шымкентте сот орындаушылар баспаналардың үлестірілу заңдылығын тексеру мақсатында «Достық» шағынауданында рейдтер өткізуде.
Анықталғандай, қазіргі уақытта «Достықта» 48 пәтер жалға беріледі. Олардың бірін А. Тілеукенов жалдап отыр. Сот орындаушылардың айтуынша, ер адамға бұл жерден баспана берілген, бірақ ол тұрып жатқан жерін босатудан бас тартып отыр. Бастапқыда ол үстіне қайнаған суды құйып, кейін қарнын жарып жіберетіндігін айтып қорқытқан. А. Тілеукеновты сабырға дәрігерлер келтірді. Ер адам заңсыз алған баспанасынан кететіні туралы қолхат жазды.
Кезекте - «Достық» шағынауданындағы тағы бір отбасын шығару тұр. Тағы 15 адамның істері соттың қарауында.
Естеріңізге сала кетейік, бұл шағынауданның құрылысы Шымкентте 2006 жылы басталған болатын. Биліктің жоспары бойынша, бұл баспаналар тұрмысы нашар тұрғындарға арналған.
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).