ОРАЛ. 11 желтоқсан. ҚазАқпарат - Павлодар қаласында өтіп жатқан ерлердің ұлттық лига командалары арасында ҚР чемпионатының екінші турында Оралдың «Конденсаты» табысты өнер көрсетуде.
Батысқазақстандықтар бастапқыда Өскеменнің «ШығысҚорғасынҚұрылысын» 3:0 есебімен ұтты. Бірінші турда да «Конденсат» өскемендіктерді дәл осындай есеппен тізе бүктірген болатын. Бұдан оралдықтар аса тартысты матчта көш бастаушылардың бірі «Атырауға» 2:3 есебімен есе жіберді. Дегенмен келесі ойында Петропавлдың «Есілін» 3:0 есебімен бет қаратпай жеңді. Сөйтіп бірінші турда кеткен есені қайтарды (онда «Есіл» 3:2 есебімен ұтып кеткен болатын).
Сөйтіп Игорь Никольченко жаттықтыратын «Конденсат» алғашқы төрттіктің қатарында келеді. Команда құрамында үш қана легионер бар, қалғандары - негізінен жергілікті жігіттер.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).