ОРАЛ. 11 қараша. ҚазАқпарат /Елжан Ералы/ - Волейболдан әйелдердің жоғары лига командалары арасындағы ХХ ел чемпионатының бірінші туры 13-18 қараша күндері Оралда өтеді.
Жоғары лигада 2011-2012 жылғы маусымда «ШығысҚорғасынҚұрылыс» (Өскемен), «Алматиночка» (Алматы), «Жетісу-2» (Алматы облысы), «Қостанай», «ҚазЭУ» (Алматы), «Спартак АМТ» (Теміртау), «Қазхром» (Павлодар), «Қарағанды-2» (Карағанды облысы), «Астана-2», «ЦСКА-ВКС» (Алматы), «Қазығұрт» (Шымкент) және «Грация-KZ» (Орал) командалары сынға түседі.
Командалар барлығы бес турдың ойындарын өткізеді. Төрт турдан тұратын екі айналымнан кейін олар қос топқа бөлінеді. Яғни бесінші турда алдыңғы алты команда 1-6 орындар, қалғандары 7-12 орындар үшін күш сынасады.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).