ОРАЛ. Қаңтардың 13-і. ҚазАқпарат /Елжан Ералы/ - Волейболдан ерлердің ұлттық лига командалары сапында өнер көрсететін Оралдың «Конденсаты» биылғы маусымда алғашқы төрттіктің қатарына енуді мақсат етіп отыр,
деп хабарлайды ҚазАқпарат тілшісі.
Қазіргі кезде Петропавлда біріншіліктің үшінші турының ойындары өткізілуде. Екі турдан кейін 19 ұпаймен әзірге бесінші орында келе жатқан оралдықтар алғашқы күні өзінің негізгі қарсыластарының бірі Өскеменнің «Шығыс Свинецстрой», содан кейін көш соңындағы «Атырау-2» командасын 3:0 есебімен ұтты.
Қос турдан кейін «Алматы» мен «Атырау» 26 ұпаймен көш бастаса, «Казхром» (Хромтау) 25 ұпаймен - үшінші, «Шығыс» 22 ұпаймен төртінші орынға орналасқан болатын.
Бес турдың қорытындысында үздік төрт команда анықталып, олар плей-офф бәсекелеріне қатысады.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).