18:32, 08 Сәуір 2009

Заңсыз қару-жарақ сақтаған шаруа қожалығы басшысының үстінен қылмыстық іс қозғалды

ОРАЛ. Сәуірдің 8-і. ҚазАқпарат /Ғайсағали Ералы/ - ҚР ҰҚК БҚО бойынша департаменті ҚР ҚК 251-бабы 2-бөліміне сәйкес заңсыз қару-жарақ сақтаған азамат В.Тутаевтың үстінен қылмыстық іс қозғады.

Департаменттің баспасөз қызметінен ҚазАқпарат тілшісіне хабарлағанындай, Зеленов ауданы Красноармейск ауылдық округі аумағында орналасқан «Тутаев» шаруа қожалығы тұрғын және қосалқы мекенжайларынан заңсыз сақталған екі аңшы мылтығы, 55 дана оқ-дәрі және басқа да қару-жарақ табылған. Мұндай оқ-дәрілер В.Тутаевтың автокөлігінен де шықты. Тергеу барысында Тутаев тарапынан еңбек заңдылығының сақталмағаны да анықталды. Мұнда қызметкерлермен ешқандай келісімшарт жасалмаған, зейнетақы қорына және әлеуметтік төлемдер аударылмаған. Адамдар тек тұрғын үй және тамақпен ғана қамтамасыз етілген. Тіпті шетелдік азаматтардың да заңсыз жұмыс жасағаны белгілі болды.

Аймақ Қоғам

Ғайсағали Сейтақ

1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).